Sweden-Mongolian foundation
Тавтай морил SEMOSAN
SEMOSAN > НҮҮР
ХУУЛЬ ЭРХ ЗҮЙН ТОВЧОО
SEMOSAN нь 2010 онд Шведийн Сконе мужид байгуулагдсан Швед-Монголын сангийн (nonprofit organisation - ашгийн бус байгууллага) дэргэдэх хууль, эрх зүйн товчоо юм. Товчооны хамт олон Швед улсад бизнес эрхлэх, ажиллаж амьдрах, сурч боловсрох болон аялан жуулчлахтай холбоотой хууль эрх зүйн бүхий л харилцаанд зөвлөгөө өгч, туслалцаа үзүүлэн хамтран ажиллаж байна.
Бидний зорилго бол өөрсдийн сурч мэдсэнээ бусадтай хуваалцан, хамтдаа хөгжин дэвшиж, бүтээлчээр хамтран ажиллах юм. Бид тодорхой мэдлэг, бодит мэдээлэлд тулгуурлан найдвартай, хариуцлагатай ажилладаг бөгөөд та бүхэнтэй хамтран ажиллахдаа үргэлж баяртай байх болно.
МЭДЭЭ, МЭДЭЭЛЭЛ
Аливаа нийгэмд амьдарч буй хүн бүрт тодорхой хэмжээгээр нийгмийн харилцаанд орж зохицон амьдрах хэрэгцээ, шаардлага тулгардаг. Энэ харилцаанд гарч буй асуудал, саад бэрхшээл болгонд тохирсон гарц гаргалгаа, дүрэм журам байдаг. Гэвч үүнийг хүн бүр төгс мэддэг байх албагүй.
Тиймээс ч МЭРГЭЖЛИЙН ХҮМҮҮС тодорхой чиглэлүүдээр туслалцаа үзүүлэн ажиллаж байдаг билээ. Үнэхээр мэргэжлийн хүмүүсээс зөвөлгөө авч ажиллах нь таны эрсдлийг 100% буулгах боломжтой юм.
Танд ямар асуудал тулгарч байна? Таны эрх зөрчигдөж байна уу? Таны бизнест дэмжлэг хэрэгтэй болов уу?
Та асуу бид хариулая, тэгээд хамтдаа урагшлая
- Швед улсад хууль ёсоор оршин суух болон ажлын гэрээний асуудлаар мэргэшсэн, олон жилийн туршлагатай өмгөөлөгч Ferec Serce бидэнтэй хамтран ажилладаг бөгөөд шаардлагатай тохиолдолд үнэгүй хуулийн зөвөлгөө өгч байна.
- Бид Монгол дахь хууль зүйн товчоогоороо дамжуулан Монголд үл хөдлөх хөрөнгө худалдан авах, иргэний болон эрүүгийн маргаантай асуудлуудад зөвлөгөө өгч өмгөөлөлөөр ажиллана.
- Бидний ажлын нэг хэсэг нь бичиг баримтгүй иргэдийнхээ эрх зүйн харилцаанд туслалцаа үзүүлэх явдал бөгөөд танд тохиолдож буй ямарваа асуудалд бид таны эрхийг хамгаалан ажиллах болно. Бидэнд ханд, хамтдаа шийдэе
- Худалдаа,бизнес эрхлэхээр төлөвлөж буй, эрхэлж буй монголчууддаа зориулж хэрэгцээтэй мэдээлэлээр хангах, санхүү, татварын тайлантай холбоотой асуудалд, үл хөдлөх хөрөнгө худалдан авах, гэрээ хэлцэл хийх зэрэгт зөвлөгөө өгнө.
- Хоёр орны хооронд арилжаа худалдаа хийх, мөнгөн гүйлгээ явуулах, урт болон богино хугацааны жижиг дунд зээл олгох, бараа таваар зарж борлуулах болон үйлдвэрлэх зэрэгт санхүүгийн дэмжлэг үзүүлэх, төсөл хөтөлбөрт хамрагдах боломж олох, бичиг баримт бүрдүүлэх зэрэгт туслалцаа үзүүлнэ.
- Монгол дахь олон улсын хүүхдийн Нарс зусланд Швед болон Скандинов, Европын оронд амьдардаг 11-16 насны хүүхдүүдэд зориулж тусгай хөтөч багштай, хөтөлбөрт амралт зохион байгуулж байна.
- Дугуйн болон морин аялал, Загасчлалын болон онцгой хөтөлбөрүүдээр монголд аялалуулна.
- Оюутан солилцооны хөтөлбөр болон сайн дурын ажилтнуудыг Монголд ажиллуулна.
Сонирхож байна уу? Та яахаа мэднэ :)
